4 мая 2016 года адбылося закрыццё XI абласнога фестывалю мастацкай творчасці «Вясёлкавы карагод» сярод дзіцячых устаноў з асаблівасцямі развіцця. Мерапрыемства адкрыў начальнік упраўлення адукацыі Гомельскага аблвыканкама Парошын С.І.
Фестываль праходзіў у некалькіх намінацыях: вакал, харэаграфічныя кампазіцыі, інсцэніроўкі. Па выніках выступлення пераможцам былі ўручаны памятныя падарункі. Вось ужо які год у якасці дабрачынца выступае храм святога Архангела Міхаіла ў г. Гомелі. Настаяцель храма протаіерэй Ігар Альшанаў павіншаваў усіх прысутных с Пасхай Хрыстовай і пажадаў далейшага росквіту і развіцця фестывалю.